Repek – Ngarah Suluh


“To … nek agi prei sekolah jajal aja mung keleluran tok, ngarah suluh apa ramban tulih kena nggo rewang-rewang !”

He he he … kue wejangane mamaku nek nyong agi prei dina minggu dong pas jaman esih smp apa sma. Nek diemut-emut jan ngangeni pisan. Dong jaman esih urip nang ndesa, rasane lah ora mbayangna nek mengko-mengkone arep dadi kenangan sing ngangeni pisan. Ya kepriwe maning yah, wong jerene menungsa ya seringe kurang bersyukur meng sing gawe urip. Jajal nek gemien ngerti urip nang ndesa arep dadi sing ngangeni, tulih gole ngapa-ngapa sing temenan. Sregep kerja ya temenan, gole mblejud ya sing temenanan. Ora mung setengah-setengah tok, kenangane kurang.

Ilustrasi

“Ngarah Suluh”
Meh dadi pegaweanku saben dina nek agi bolong. Maksude nek agi kumat rajine he he he … Yaa dari pada angkruk-angkruk nang ngumah kur domeih tok nang mamake utawa bapane. (Apa enggane rama biyungku sepet matane nek ndeleng anake nganggur nang ngumah yah ?, padahal nyong kue anak lanang siji til) Tapi nek siki di pikir-pikir ya ana benere lho, anu tujuane men anake ngerti nggawean dadi nek gede uripa ora sengsara, soale dadi rajin kerja nggolet duit. Ya sekang cilik dilatih kerja sing enteng-enteng…

Jan-jane ngarah suluh kue apa sih ?
Yaa pokoke nggolet kayu (sekabehane jenis kayu kapet sing cilik ganti sing gede) nggo diobong nggo masak nang pedangan. Nek bahasa kerene ya “Nyari Kayu Bakar”. Nek jaman mbien (nganti siki) rama biyungku nang ndesa ngkana nek masak esih nganggo suluh. Soale anu nek suluh kue ibarate mung gari njiot nang kebon pinggir ngumah. Nhaa nek nyong gemien nek ngarah suluh ya nang kebone dewek, ora nang kebone tanggane.

Ngarah suluh nang kebone dewek be gelem nganti gulune cengeng gole nggawa bali soale akeh pisan. Tapi nek tek emut-emut jane ya anu sepetil. Jalarane aku esih cilik, dadi manggul suluh segulung cilik ya wis cengep-cengep gutul ngumah.

Nyong nek ngarah suluh biasane nggawa gaman sing landep dadi gampang nggo menclasi arangan (kayu garing sing ngemet sekang wite langsung). Ya kayu apa baen sing nek tek deleng kang ngingsor akeh arangane ya tek penek. Nyong paling seneng gemien nek meti arangan nang wit cengkeh. Gelis ulih akeh tur arangane cilik-cilik. Gole gelis ulih akeh kue mergane kayu cengeh sing garing cilik-cilik karo cawange akeh dadi nek digulung keton gede… padahal isine anu sepetil …

Trus maning yah, nek agi ngarah suluh njur kesel, biasane men mari kesel nyong menek wit klapa. Trus metangkrong nang nduwur papah karo leyeh-leyeh karo ngepluk degan. Jannn semilir pisan koh… mangan degan nang wite langsung nang nduwur pisan. Pokoke nek siki dilakoni maning mbuh-mbuhan esih teyeng, soale siki nyong wis ora lincah kaya gemien.

Nyong dong umuran sd nganti sma, sedina gelem menek wit nganti 10an wit. Ya ngapa baen lah. Malah tau dong agi jamane jatuh cinta maca surat cintane nang nduwur wit jengkol…  Trus sing tek  bayangna apa jajal ? Ya agi berduaan nang pakah wit jengkol karo pujaan hatine… kaya kue… mbok romantis pisan lah… he he he …

Nek wis rampung ngarah suluh gari digawa bali trus disogna meng pedangan. Gole ngesogna karo digedumbrangna meng mamake krungu men keton gole ngarah suluh ulih akeh… jan.. jan… akale pokoke akeh dong mbien …

Yaa ora ketang akal bulus tapi gemien seneng-seneng baen. Walopun bar kue nang mamake diprenguti ya nek wis sore nyong urung maem ya diuber-uber kon madang. Yaa wong jenengane baen wong tua, kepriwe-kepriwea ya tetep eman meng anak. Tapi nek nyong ngemut-emut mbregajule nyong don jaman cilik jane ya anu kebangeten. Ibarate rama biyunge nyong banting tulang peras keringat ya nyong kur mangkruk-mangkruk ora ngrewangi. hi hi hi …

Mak, pak nyong siki wis gede wis bisa ngrasakna kaya ngapa dadi wong tua. Ya nyong siki maklum nek rika gemien ladak karo nyong… Anu jane rika ya eman karo aku yah, tapi nyong wektu kue urung ngerti urip nang alam ndunya kue kaya ngapa dadi ya nyong gemien ya kaya kae. Sering rika ngomeh tapi ora tek rungu. Ibarate kurung kuping tengen, ora nganti menggok meng ngisor (ngati) langsung bablas metu kuping kiwe…

Owalah mak… mak… ngangeni jane lho nek rika agi ngomeih gemien. Apa maning bapake nek agi nyabeti nyong nek tes ngrusak tanduran nang kebon… Nek mbien jan  nyong rasane kepengin minggat kang ngumah, tapi nek siki tek emut-emut ya anu nggemletekna pisan…

—————-

He he he, cukup semene sedulur, postinganku sing bahasa banyumas. Mungkin banyak yang nggak ngerti arti postingan ini, walaupun orang jawa tapi aku yakin kalao bukan orang banyumas seperti kang imam dan mbak fitri akan kesulitan mengartikan tulisan ini… Oh iya kelalen, siji maning sing mesti ngerti yakue mbekayu Devi / Mba Wi, tangga desa + tangga umah …

Penulis: ahsanfile

Enak makan, enak tidur cukuplah itu di dunia... selalu memperbaiki keimanan di tengah lingkungan yang sudah rusak, cukuplah itu untuk akhirat..

12 tanggapan untuk “Repek – Ngarah Suluh”

    1. Salam kenal lah….kesuwun nggo yu Devi sedurunge..
      inyonge.com wis ora aktif….
      artikel ngapak bisa dekirim bae ming ngapakers.com..
      sengaja nggo ngumpulna tulisan2 khas ngapak..kesuwun

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google

You are commenting using your Google account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

Connecting to %s

This site uses Akismet to reduce spam. Learn how your comment data is processed.

%d blogger menyukai ini: